Jumat, 18 November 2011

TERTIB ACARA NATAL BAHASA BATAK

           Thema         : Allah Adalah Kasih ( 1 Yohanes 4 : 16 )
           Sub Thema  : Dengan Semangat Natal, Kita Teguhkan
                                Kasih Persaudaraan Antara Kita, Sebab
                                Allah Telah Lebih Dahulu Mengasihi Kita



I.          PEMBUKAAN

1.      Marende No. 135 : 1
Marpungu do di jolomon, marsada roha hami on
O Jesus Tuhannami, Ho Raja na tarsilang i
Na pinatimbo i muse, sai ro ma Ho tu Hami
Olo, jalo ma tangiang, pamujian di goarMu
Ala holong ni rohaMu.

2.     Hata Patujolo sian Ketua Panitia Natal

3.     Hata Sambutan Sian :
-          Ketua Punguan
-          Penasehat Punguan

II.        KEBAKTIAN
1.     Marende No.54 : 1-2           ( Huhut Pagalak Lilin )
Sonang ni, borngin na I, uju ro Jesus i
Sonang modom do halak sude, holan dua na dungo dope
Mangingani anakna Jesus Tuhanta I

Denggan ni Tua di si, di na ro Jesus i
Tu parmahan di Betlehem I, di paboa na di surgo i
Nunga ro Sipangolu, Jesus Tuhanta i.

Napagalak lilin : 1. Ketua Panitia Natal
2. Mewakili Pengurus Punguan

2.     Jou-jou tu Parsombaon di Debata          ( U:Uluan, H: Huria )
U :    Huria ni Tuhanta, na marlas ni roha do hita dibagasan tingki on, manghalashon hatutubu ni Jesus Sipalua I. Selamat Natal ma dihita saluhutna !
H :    Selamat Natal ma tutu ! gok las ni roha dohot puji-pujian ma ngolunta manghalashon holong ni rohaNa tu hita.
U :    Ai naung mago hian do hita  gabe di tobus nuaeng, naung holing hian do ngolunta sian Debata, gabe dipadomu muse, na marsak do hita ala ni dosanta, gabe marlas ni roha nuaeng ala ni haroroNa i.
H :    Mauliate ma Tuhan di haroroM tu portibion, ai taruli haluaon dohot hatuaon ngolunami. Hupelehon hami ma dirinami tu Ho, jala pargogoi  hami mangihuthon Ho.
U :    Antong las ma rohanta ! tahobasi ma rohanta lao marsaor dohot Tuhanta. Marende ma hita…. ( Jongjong)
U+H:     Marende  No.57 : 1
              Nunga jumpang muse ari Pesta i,
hatutubu ni Tuhanta Jesus i
Tuat do Ibana sian surgo i, mebat tu hita on
Hasangapon di Debata, dame, dame ma di jolma
Las ni roha ni Debata, Hajolmaon muse

3.     Votum
U : Marhitehite goar ni Debata Ama, dohot goar ni Anakna Tuhan Jesus Kristus, dohot goar ni Tondi Porbadia a tumompa langit dohot tano on.
H : Amen
U : Bangso namardalai dibagasan haholomon, marnida sada panondang na bolon.
H : Binsar do sada panondang diangka namangingani tano na nilinggoman ni hamatean.
U : Marrongoman bangsoM ro sian lomona diari parporanganMu, marpahean habadiaon.
H : Songon nambur sian ampuan ni andos, torang ro do tu Ho paranganMu angka naumposo.
U : Haleluya  !  Martangiang ma hita ;  Ale  Jesus Tuhannami, natubu di huta Betlehem, sai pinuji ma goarMu nabadia I, ala naung ditogutogu Ho hami sian haholomon tu hatiuron, jala dipadomu Ho hami gabe saor  muse tu Debata. Sai jalo ma hamuliateon ni rohanami ale Tuhannami. Amen

4.     Marende No.48: 4
Riama hita sasude, mamuji Debata
Girgir ma parendenta be , ai ido na tama, ai ido na tama

Diungkap Debatanta di banua ginjang i
Disuru do Anakna i, Hangoluanta i, Hangoluanta i

5.     LITURGI DAKDANAK ( TK,SD )

6.     Vokal Solo/Puisi

7.     Marende No.605:2
Tano nang laut, harangan i nang awang-awang i
Hauma i, nang sunge i, olophon Raja i
olophon Raja i, olophon , olophon Raja i

8.     LITURGI  I Dan II

9.     Koor / Puisi

10. LITURGI  III  Dan IV


11. Marende No.61:2
Tung godang do dosa, pangunjunan pe
Mangarsahi hita paima mate pe
Mangarsahi hita paima mate pe

12. LITURGI  V Dan VI

13. Vocal Solo/Puisi

14. LITURGI  VII Dan VIII

15. Vocal Group / Puisi

16. DOA  SYAFAAT

17. Marende No. 598 : 1
Bege ende ni suruan, sangap ma di Tuhan i
Nunga tubu Sipalua, Raja si pardame i
Di padame Debatanta do dirina tu pardosa
Nunga tubu Kristus I di huta Betlehem i
Ende ni suruan I, sangap ma di Tuhan i.
­­­
18. JAMITA

19. Marende No.62 : 1+3     ( Huhut Papungu Pelean)
Halalas ni roha godang, na hu baritahon on
Nunga tubu Sipalua di hita jolma on
Hasangapon di Debata, laos dame,dame,dame ma di jolma, lomo ni roha ni Debata, dihita jolma on.

Sai sondangi ma rohangku, ale Tuhan Jesus i
Asa dohot au taruli di hatutubu Mi,
Hasangapon di Debata, laos dame,dame,dame ma di jolma, lomo ni roha ni Debata, dihita jolma on.
20. PENGUTUSAN        ( U:Uluan, H: Huria, I: Ina, A; Ama )
U : On pe hamu angka dongan, tanda naung tubu Jesus I, dingolunta, ta eahi ma na tau padamehon dohot pauliulihon hita sama hita, masiasian jala masihaholongan ma hita. Saluhut riting ni roha panonggahion dohot panginsahion dao ma sian hita.
I   : Martua ma nalambok roha, ai teanon nasida do tano on.
A : Martoruk ni roha situtu ma hita masihehean dibagasan holong ni roha dohot marharinggason mangaradoti hasadaon I, Martua ma siboan dame, ai goaron do nasida anak ni Debata.
U : Toguma  rohamuna dibagasan Tuhan I, dohot dibagasan hagogoon na togu I, lam tang ma haporseaonmuna,  solukhon hamu ma, pahean sinjata nasian Debata, asa taralo hamu natau mangago hamu.
I  : Jongjong ma hita marhohoshon hasintongan, marsipatu haringgason, mangulahon na denggan, asa gabe pasu-pasu ma hita tu nahumaliang hita, dalanta marpanindangion d haporseaon tu Tuhan i.
A : Sarohasapingkiran ma hita dibagasan Kristus Tuhan I, masihaholongan ma hita sama hita, ala naung jumolo Debata manghaholongi hita.
U : Ida ma, denggan nai dohot sonang na I, molo tung pungu sahundulan angka namarhahamaranggi.
H : Tuhan pargogoi ma hami patupahon lomo ni rohaM di portibion, mamboan dame dohot holong ni roha tu nahumaliangnami, songon Ho ale Amang naung jumolo manghaholongi hami. Amen.

21. Tangiang PELEAN/ Ale Amanami / Pasu-pasi

4 komentar: